Frå planeten Mars til Bakkenteigen

I utstillinga vil ein kunne sjå mellom anna hjartesensoren frå HVE, som vert montert på hjarteveggen, vi kan sjå mikrohelikopteret, som mellom anna kan brukast i samanraste bygningar – og mikrosensoren som har målt atmosfæretrykket på planeten Mars!

Frå 12.00 til 14.00 blir det presentasjon av fleire sentrale forskingsprosjekt frå mikro- og nanomiljøet ved HVE. Her kjem professor Henrik Jakobsen for å seie noko om korleis mikro- og nanoteknologien er ein del av kvardagen vår, førsteamanuensis Lars Roseng ser på teknologien frå eit miljøperspektiv og professor Frank Karlsen tek føre seg mikro- og nanoteknolpgoen som helseteknologi for framtida.

Førsteamanuensane Einar Halvorsen og Kristin Imenes, og stipendiatane Ellen Tenstad og Olga Krushinitskaya presenterer eigne forskingsprosjekt medan professor Per Øhlckers demonstrerer arbeidet med mikrohelikopter.