Mest læremiddelforsking på skulefag - svært lite om yrkesfaga

Den nye rapporten er utarbeidd ved Høgskolen i Vestfold og tek føre seg kunnskapsstatus i læremiddelforskinga i ti land: Noreg, Sverige, Danmark, Finland, Tyskland,Frankrike, Nederland, Spania,Australia og Brasil.

Noreg og Tyskland har kome lengst i læremiddelforskinga, med stabile miljø ved Senter for pedagogiske tekster i Vestfold og Georg-Eckert-Institut für Internationale Schulbuchforschung i Tyskland. Mest forsking finst på
skulebøker, sidan denne læremiddeltypen er mest utbreidd. I Noreg og England har den auka forskinga på digitale læremiddel vore prega av nye literacyformer og fokus på multimodale tekstar.

Rapporten viser at det er behov for meir forsking om grunnleggande ferdigheiter i læremiddel, særleg når det gjeld rekning og munnleg kompetanse.Les rapporten her.